聞馮淬帆自爆初戀情人 汪明荃：佢認咩？

提到馮淬帆（緊哥）在專訪中提及阿姐是其初戀情人，阿姐最初反問緊哥是誰？及後聽到是馮淬帆即忍不住爆出心底話說：「係咩？佢認咩？幾十年前的事了，哈哈。（他當年不肯承認？）係大家都無講過。」對於馮淬帆表示當年還在舞蹈室門外等阿姐，阿姐就笑笑口指忘記了、可能有，並反問為何重提舊事、對方現在是否沒有女朋友？

問到是否被緊哥的才華吸引？阿姐直言：「佢當年既做話劇、又做播音員，的確覺得佢好叻好有才華。（會否可惜沒有一起？）無得咁講，大家仲後生，有好多唔同朋友都好正常，而且呢啲好少一拍即合。」談及馮淬帆表示幸好沒跟阿姐走下去、以免阻阿姐發展，阿姐對此回應：「都唔係，條路係咁行就順其自然，可能佢無結婚都適合佢，獨身更自由，結了婚和單身係有少少分別。」談到馮淬帆亦指是因阿姐事業心好強而不敢發展下去，阿姐認為每個人都有事業心，可能對方適合小鳥依人的類型。